RAIS SAMIA ATOA MKONO WA POLE KWA FAMILIA TATU NANYAMBA

Posted on: September 19th, 2023

Mkuu wa mkoa wa Mtwara, Mhe. Kanali Ahmed Abbas leo tarehe 19/09/2023 amemuwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan kutoa mkono wa pole wenye thamani ya Milioni 9 kwa familia tatu za Halmashauri ya Mji Nanyamba zilizopata madhara ya kibinadamu mwishoni mwa wiki iliyopita.

Mhe. Mkuu wa mkoa aliambatana na  Mbunge wa jimbo la Nanyamba Mhe. Abdallah Dadi Chikota, Katibu tawala mkoa Mtwara, Kaimu Mkuu wa Wilaya, katibu tawala Wilaya, Mkurugenzi wa Halmashauri ya Mji Ndg. Thomas E. Mwailafu, katibu tawala wilaya ya Mtwara, Ndg. Mwinyi Ahmed Mwinyi, mwenyekiti wa CCM mkoa Mtwara Mwl. Said Nyegedi, kamati ya ulinzi na usalama mkoa Mtwara pamoja na baadhi ya wakuu wa idara wa Halmashairi ya Mji Nanyamba kuwasilisha  mkono huo wa pole.

Akizungumza na familia hizo kwa nyakati tofauti, Mhe. Abbas alimshukuru Mhe. Rais kwa moyo wake wa ukarimu na kujitoa kwa wananchi wake wote, wakati huo huo pia alimshukuru Mh. Chikota kwa kushikamana na wananchi wake.

 Katika hatua nyingine wananchi hao walifanya dua kuomba neema, baraka na ulinzi kwa Mungu.